Himas rehas ang usa ka lalake human gipatay niini ang live-in partner gumikan sa selos.
Sumala pa Digos City Police Station, pasado alas 6 sa buntag adunay mitaho kanila bahin sa usa ka panghitabo sa pagpanunggab sa Purok Santol Lower, Barangay Kiagot, Digos City, nga miresulta sa kamatayon sa usa ka babae nga giila nga si alyas “Mia.” 25-anyos.
Eksklusibo sab kining nahinabi sa Bombo Radyo Davao ang maong suspek, diin giangkon niini ang maong krimen.
Saysay pa sa suspetsado nga iyaha lamang sumala pa kining gikalit og dunggab ang iyahang asawa samtang natulog kini.
Samtang subay sab sa report sa kapolisan, pasado alas 5:30 sa buntag sa susamang adlaw, nakita ang patayng lawas sa kwarto sa maong biktima nga dunay dinunggaban sa dughan, nga gituohan resulta kini gumikan sa selos.
Ang nag-inusarang suspek sa maong kaso ang iyang live-in partner, nga si alias “Dodoy,” 28-anyos.
Ayha paman nahitabo ang maong krimen, pasado alas 5:00 sa buntag, nakita matud pa kini sa iyang bayaw ang suspetsado nga mihawa sa maong lugar uban ang iyang 4-anyos nga anak nga adunay dugo sa nagkadaiyang bahin sa iyang lawas.
Dali nga nagpatuman og manhunt operation ang kapulisan nga miresulta sa pagdakop sa suspetsado sa Purok 2, Brgy. Aplaya, Digos City.
Ang suspetsado anaa na karon sa kustodiya sa kapolisan aron sa pagpasaka og tukmang kaso.
