DAVAO CITY- Padayon karon ang pag-awhag sa City health ning syudad nga pahimuslan ang libreng pagpailawom sa No-Scalpel Vasectomy kon(NSV) sa mga kalalakin-an ning dakbayan sa Davao.
Sumala pa ni Population Program Officer II Justice Mindanao Rasgo nga libre kining itanyag sa mga bana nga adunay kagustuhan nga mopailawom sa maong proseso.
Moadto lamang sa labing duol nga mga health centers ning syudad aron nga makapalista alang sa libreng operasyon.
Sa karon, anaa na sa 110 ang ihap sa mga kalalakin-an ang mipailawom sa No-Scalpel Vasectomy kon(NSV) sa dakbayan sa Davao.
Sumala pa ni Rasgo nga kini nga datos nga natala ang gikan sa bulan sa Enero hangtud sa bulan sa Oktubre ning kasamtangan tuig.
Sumala pa sa opsyal nga sagad hinungdan sa mga mipailawom sa operasyon nga dili na kini gustong magkaanak ang ilahang asawa ilabi pa nga adunay mga asawa sumala pa ang adunay risgo sa pagpanganak.
Nasayran nga anaa sa edad nga 18-anyos ang labing bata nga mipailawom sa maong operasyon samtang labing edaran ang 65-anyos.
Samtang gipasalig niini nga walay angay nga ikabalaka ang mga kalalakin-an sanglit dili kini makaapekto sa tibuok pagkalalaki niini.
