Naglatag ang Department of Education ug bag-ong learning programs alang sa mga eskwelahan nga apektado sa mga kalamidad.
Kini mao ang Dynamic Learning Program (DLP) nga tumong mahatagan ug pagtagad ang mga pagkalangan sa mga klase gumikan sa mga kalamidad ug uban pang mga hagit.Pagasugdan ang pilot implementation sa programa karong bulana sa mga eskwelahan nga naapektuhan sa bagyo sa Ilocos region, Cagayan Valley, Central Luzon, Calabarzon (Cavite, Laguna, Batangas, Rizal, Quezon) Bicol region ug Cordillera Administrative Region.
Ilawom sa nasampit nga inisyatiba, mamahimong magpahigayon ug make-up classes ang mga apektadong tunghaan ug gamiton ang DLP activity sheets nga simple lamang, targeted ug adaptable sa temporary learning spaces.Mamahimo usab nga magpahigayon ug parallel classes, activity-based engagement, student portfolios, ug reduced homework policy.
