Kasagaran sa mga tawo og manghugas sa ilahang mga plato diretsu gayod tugpa sa banggirahan aron nga mahugasan og tarong pinaagig pagpaagas og tubig gikan sa limpyo nga gripo.
Apan lahi kining naandan sa usa ka bata nga inay ibutang kini sa lababo ang mga plato nga wala pa nahugasan, gibutang na hinuon kini niya sa sulod sa aniduro, og didto kini niya gihugasan.
Subay sa usa ka video nga nagviral online, giplastar pa pag-ayo sa bata ang plato nga walay hugas sulod sa anidoro, dayon iyaha kining gitakluban ug gipislit ang flush button.
Sa dihang iyaha na kining giablihan ug gihaw-as ang maong plato gikan sa aniduro, makita sa maong video nga limpyo na kini og wala nay hugaw.
Wala usab mapugngan sa pipila ka mga netizens nga milantaw sa maong video, nga luuron sa maong gipakita nga pamaagi sa paghugas og plato sa maong bata.
Aduna sab nagkanayon nga wala matud pay maayong pamatasan ang ginikanan sa bata gumikan sukwahi matud pa ang natun-an nga inay kinahanglang sa banggirahan gayud ang husto nga paghugas sa mga plato.
