Aron kuno mapadali ang paglimpyo sa mga lapuk ug mga basurang gibilin ni Kristine, nahuna-hunaan sa mga opisyal sa barangay sa lungsod sa Albay nga paliton ang matag sako sa makuhang lapok.
Gipahayag sa Punong Barangay nga si Nong Sarte Zamora sa barangay Ubaliw, nagpatuman kini ug programang “usa ka sakong lapok, bugti ang P10”.
Gisabot niini ang mga residente sa barangay sa ilahang pamaagi ug sa una nagtuo nga less than P10,000 lamang ang magasto apan miabot kini sa P19,000.
Midagsa ang lapok sa barangay nga halos mukabat sa 4.5 metro ang gilawmon sa tubig-baha nga dala ni Kristine nga miresulta sa pito ka pulgadang lapok.
Nakakolekta ang mga residente ug mukabat sa 1,980 ka sako sa lapok nga mubalor sa P19,800 ug kadaghanan sa mga misalmot sa pagpangulekta ug lapok mga estudyante.
