PANGASINAN – Patay ang 2 anyos nga batang lalaki human nga aksidenteng mahulog sa kalderong dunay nagbukal nga tubig.
Subay sa rekord, giila ang biktima nga Jay-Jay Navarro, residente sa Barangay Nibaliw, San Fabian, Pangasinan.
Gani, paspas matud pa ang panghitabo gumikan gisulayan og dala sa Region 1 Medical Center sa Dagupan City ang biktima, apan gideklara gilayon kii nga dead-on-arrival gumikan sa hilabihang paso nga nahiaguman niini.
Saysay sa apohan sa biktima, igo lamang matud pa silang nagpabukal og tubig nga dunay dahon aron ipainom sa ilang kabanay nga dunay balatian.
Sa dihang human og pabukal, giahon nila ang kaldero sa salog samtang nagduwa ang biktima ug lain pang mga bata.
Apan, sa wa damhang higayon, kalit matud pa nga nahulog ang bata ngadto sa kaldero ug nalapnos ang halos kinatibuk-ang bahin sa lawas niini.
