DAVAO CITY – Nangayog tabang ang usa ka rescuer sa usa ka iring nga gikatahong gitigbas sumala sa wala mailhing indibidwal sa Sandawa, S.I.R Phase 1, ning dakbayan, pasado alas 5 sa hapon niadtong nakalabayng adlaw, diin natunong pa gayud sa pagsaulog sa World Feral Cat day.
Matud pa sa usa ka indibidwal nga misagop sa iring, sukad pagkagamay matud pa niini, ilaha ng ginaatiman.
Dugang pa niini nga dili sumala pa sab sungkaba ang, apan dako na lamang ang kakurat niini human nabantayan na lamang sa iyahang partner nga nagkadugo na ang ilahang binuhi.
Gilayon kining gisubay, ug nasayran nga gikan matud pa sa ibabaw sa ilahang tindahan diin adunay usa ka boarding house.
Atol sa ilahang pagsusi sa boarding house, wala matud pa bisan usa ang miangkon sa pagpanigbas sa iring.
Gilayon sab kini nilang gidala sa usa ka vet clinic, ug nasayran nga nahiwa ang spinal cord, gumikan sa kakusog sa pagkatigbas.
Matud pa sa nag-amuma sa iring, buot sumala pa niyang sayron og si kinsa ang responsable sa pagpanigbas sa iyahang pinalanggang hayop diin sa karon, dako na matud pa kini og nagasto alang sa pagpatambal.
Subli sab nga nagpahimangno ang lokal nga kagamhanan, labot sa bisan kinsang nagatinguha nga manakit o magpasipala sa mga hayop, labi na ngadto sa mga iring ug iro nga posibleng mag-atubang og seryosong silot ug makamulta ug mabilanggo gikan unom ka bulan, hangtod usa ka tuig.
