Driver gisibatan og pasahero;kapin P400 nga bill, wa bayari!

DAVAO CITY – Gisibatan matud pa og pasahero ang usa ka taxi drayber human nga nagpahatod gikan Mintal paingon og Monfort Village, Bajada ning dakbayan gabie, Oktobre 17,2024.

Saysay pa sa driver nga gipahulat matud pa kini sa iyang pasahero, apan wa damhan niini nga di na mubalik ang nahisgutan.

Subay sa paghulagway sa driver sa pasaherong misibat, nakasuot og jacket nga dunay hoodie ug bonnet ang lakinhon kon tomboy nga pasahero niini.

Gani, nagpakaron-ingnong dunay katawag ang pasahero niini human nga giingnan ang driver nga magpaabot lamang sa bayad.

Sa karon, nagpatabang ang driver sa publiko aron mabayran kini sa misibat niyang pasahero.