Gikompirma sa Argentine Director of Emergency Medical Services ang pagkamatay sa kanhing myembro sa One Direction nga si Liam Payne 31- anyos.
Sumala pa sa mga otoridad nga nag-okupar sa usa ka hotel sa ikatulong andana ang singer sa Buenos Aires, Argentina.
Subay sa report, nahulog sa hotel ang singer nga gituohan nga lango sumala pa kini sa ilimnong makahubog.
Sumala pa nga adunay usa ka lalaki nga nagreport sa mga otoridad nga adunay usa ka tawo nga nagmaoy matud pa tungod sa kahubog apan wala usab niini panganli sa nagreklamo.
Sa kwarto sa Singer Nakita usab ang nagkatag nga mga kagamitan, nabuak nga salamin, adunay nakita nga mga giporma nga foil ug lakip sa nakaplagan ang powder substance nga karon ginaimbistigahan sa kapulisan.
Sa pagkakaron, midagsa sab ang pahasubo ngadto sa banda ug pamilya sa biktima.
Samtang mga supporters sa Singer sa nasampit nga nasud ang nagdagkot ug mga kandila atbang sa hotel nga iyahang giokuparan.
