Misulod sa plea bargaining agreement sa US Attorney’s Office (USAO) ang usa ka administrador sa mga operasyon sa California sa Kingdom of Jesus Christ ni Pastor Apollo Quiboloy.
Matod pa nga si Marissa Duenas, ang Human Resources Manager sa KOJC sa Van Nuys, ang mi-angkong guilty sumala pa sa kasong conspiracy aron ilaron ang US bugti sa gipaubos nga sentensya.
Mi-uyon usab ang US Attorney’s Office nga ibalhin aron ibasura ang nahibiling ihap sa kaso batok kang Duenas.
Subay sa 16 ka pahinang dokumento, giangkon ni Duenas nga nakigsabot matud pa kini ngadto sa uban nga muhimo ug pagpanikas sa kasal.
Nagpakita ang maong kasabutan nga siya ug ang uban pa maoy nagpadayag nga mapabilin ang kahimtang sa imigrasyon sa US alang sa mga miyembro sa KOJC pinaagi sa paghimo sumala pa ug mga sham marriages sa uban pang miyembro sa KOJC ngadto sa mga katawhan sa US. Si Duenas ug ang kaubang akusado niini nga si Maria De Leon ang matod pa nagproseso sa mga gikaingong pagpangilad og mga dokumento.
Unang nagpadayag ug plea deal si De Leon ug gikatakdang masentensyahan sa Enero 27 sa mosunod nga tuig.
Nahilakip sab sa listahan si Pastor Apollo Quiboloy, gumikan sa pagkalambigit niini sa gikaingong labor trafficking scheme nga nagdala sumala pa ug mga miyembro sa simbahan ngadto sa Estados Unidos.
Apan sa laing bahin, gipaklaro karun sa usa sa mga legal counsel sa Kingdom of Jesus Christ nga si Atty. Elvis Balayan, nga wala sumala pa hibangkaagan si Duenas nga hingpit nga ginadili matud pa sa Estados Unidos ang maong kapamaagihan sa pagpakasal, diin maoy nahasubay matud pa sa practices sa KOJC kabahin sa pagpakasal.
Dugang pa ni Balayan nga lahi sumala pa ang konsepto sa kasal sa KOJC kon itandi ang konsepto sa pamalaod sa Estados Unidos mahitungod sa kasal ug gidut-an niini nga walay intensyon sumala pa nga mangilad si Duenas, apan ang tumong lamang sumala pa niini mao ang pagpadayon sa pagpalambo sa buluhaton sa ilahang simbahan.
