Giangkon sa Criminal Investigation and Detection Group (PNP-CIDG) nga nalisdan sila nga matumbok ang gikahimutangan ni kanhing presidential spokesperson Harry Roque.
Gibutyag ni CIDG spokesperson Police Lieutenant Colonel Imelda Reyes nga perming nakasibat sumala pa si Roque matag panahon nga mosulay sa pagdakop ang mga kapulisan nga arestuhon ang nahisgutan.
Apan giklaro na sa kapulisan nga karon adunay lig-on sumala pa kining gihupatan nga impormasyon ug ebidensya kung asa na si Roque.
Kahinumduman nga nag-atubang si Roque ug contempt ingon man detention order gikan sa House Quad Committee gumikan sa pagmagahi niini nga mohatag ug mga dokumento alang sa imbestigasyon niini kabahin sa operasyon sa Philippine offshore gaming operators (POGO).
