Candihay, Bohol – Gilugos sa iyang kaugalingong anak ang usa ka 61- anyos nga inahan sa Candijay, Bohol ug naaresto niadtong September 27 ning tuiga.
Subay sa rekord, giila ang suspetsado nga si alyas Doming ug naaresto pasado alas 5 sa buntag sulod sa ilang panimalay sa susamang adlaw sab.
Human matud pa ang maong panghitabo, gilayong misumbong ang biktimang si ‘Lola Rosa’ sa kapulisan rason nga gilayon sab nagpahigayon og operasyon ang otoridad.
Nasayrang usa ka ex-convict ang dinakpan ug nakagawas niadtong Setyembre 18 ning tuiga human nga napriso sulod sa 14 katuig gumikan sa kasong pagpatay ug ‘malicious act’.
Lango matud pa sa makahubog nga ilimnon ang 41 anyos nga suspek sa dihang miuli kini sa ilaha ug gihulga ang inahan niini ayha gihilabtan ang biktima.
Gani, nagbakho og hinilak ang suspek samtang namahad kini sa iyang inahan sa higayong musulay kini og sumbong sa kapulisan,apan, wa nagduha-duha ang biktima nga mudangop
Samtang, pursigido ang biktima nga magpasaka og kaso batok sa iyang anak human nga mitug-an ang suspek sa otoridad.
