DAVAO CITY- Nakalingkawas sa kamatayon ang usa ka Baranggay Kapitan ug asawa niini atong sa nahitabong pagpangambush pasado alas siyete ang takna kaganihang buntag.
Subay sa report sa Marilog Police Station nga nahitabo ang pagpamusil sa Purok Uno sa Barangay Salumay Marilog district ning dakbayan sa Davao.
Giila ang mga biktima nga sila Lito Mansamo 47-anyos, Brgy.Kapitan sa Brgy. Salumay Marilog District, ug ang misis niini nga si Alma zarate Mansamo, 45-anyos.
Sa imbistigasyon sa kapulisan, ang mga biktima nagsakay sa ilahang Pick-up nga sakyanan nga nagsubay sa bukidnon road apan pag-abot niini sa Purok Uno sa nasampit nga barangay, duha ka mga wala mailhing suspetsado nga nakasuot ug bonnet ang kalit nga mibabag sa ilahang agi-anan dala ang matud pa usa ka armalite ug .9MM pistol ug dayon giparakan ang mga biktima sulod sa sakyanan nga miresulta sa pagkatusak-tusak sa balay sa winshield sa driver’s seat ug milapos kini sa likod nga bahain sa pick-up.
Human sa pagpamusil dali nga misibat ang mga suspek nga igo lamang naglakaw palayo sa lugar.
Samtang ang mga biktima nagdali usab nga nakapangayo ug tabang sa mga panimalay nga anaa sa palibot sa nahitabuan.
Swerte nga ang mga biktima ang wala matusak-tusak sa bala.
Apan ang asawa sa Kapitan ang ang natapsingan sa ubos nga bahin sa tuo nga tuhod.
Sa karon ang kapulisan sa Marilog ang nagahigayon na ug ug hot pursuit operation batok sa mga suspetsado.
Ginasubay na na usab karon sa mga otoridad kung unsay motibo sa sa pagpamusil.
Kahinumduman nga niadtong tuig 2021 gipusil patay sab ang kapitan sa maong barangay nga si Kap.Amado Mansamo Mansabid tungod sa land conflict sulod sa panimalay.
