Ipabilin sa Pilipinas ug Vietnam ang ilahang commitment aron maseguro ang malinawong resolusyon sa pagtubag sa tensyon sa West Philippine Sea (WPS).
Nagpagawas sa nahisgutang pamahayag si Pangulong Ferdinand Marcos jr. homan sa courtesy call ni Vietnam’s Minister of National Defense General Phan Van Giang, sa Malakanyang.
Dugang sa Pangulo nga mapatas-an ang relasyon sa Pilipinas ug Vietnam gumikan sa pagbisita sa Vietnam’s Defense Minister.
Gipasalamatan usab niini ang suporta sa Vietnam sa Arbitral Award.
Kung kahinumduman, halos angkonon na sa China ang kadagatan nga usa ka conduit alang sa mosobra sa $3 trillion sa annual ship commerce.
Ang territorial claims niini ang nag-overlap na sa Pilipinas, Vietnam, Malaysia ug Brunei.
Tuig 2016, usa ka international arbitration tribunal sa Hague ang naghukom nga ang pag-angkon sa China ang walay legal nga basihanan, usa ka desisyon nga wala giila sa Beijing ug mihimo pa kini ug kagubot sa nahisgutang lugar.
Samtang kung kahinumduman nga niadtong Enero 2024, miperma ang Pilipinas ug Vietnamese Coast Guard ug usa ka memorandum of understanding nga nagmugna ug joint Coast Guard committee ug usa ka hotline communication mechanism.
