Gi-insister ni Senadora Imee Marcos nga dili makatarunganon ug dili angay ang pagpakatap og kapin 2,000 ka mga PNP personnels aron lusungon ang Kingdom of Jesus Christ compound.
Gikundena usab niini ang matud pa ‘sobra’ nga paggamit og pwersa sa mga kapulisan atol sa pagsilbi og warrant of arrest batok sa nagtago-tagong si Pastor Apollo Quiboloy ug uban pang mga akusado.
Kahinumdumang si Pastor Quiboloy ang nag-atubang ning kasamtangan og daghanang kaso sama sa sexual abuse, child abuse ug qualified trafficking cases.
Gidasig usab ni Sen. Marcos ang PNP nga unahon ang kaluwasan sa mga sibilyan ug mas mamaayong mag-igmat sa ilahang mga lihok.
Kini na matud pa ang ikaduha niining higayon nga motingog sa dili kadawat-dawat nga pwersa sa PNP kong diin kinahanglan na matud pa nga mahunong ug dili na mahitabo pag-usab.
Pag-insister pa niini nga usa kini ka dakong bahid sa hanay sa kapulisan.
