Gitawag nga calamity politics ang gihimo ni Davao City Mayor Sebastian “Baste” Duterte nga idonar ang buhis sa mga Dabawenyo sa mga syudad ug munisipalidad nga naigo sa kalamidad, bisan paman nga ang kaugalingon niining syudad ang padayong nakasinati ug grabeng pagbaha.
Gisaway ni Cagayan Economic Zone Authority (CEZA) Administrator and CEO Secretary Katrina Ponce Enrile ang gitawag niining calamity politics, ug gikanayon pa niini nga ang gihimo sa mayor ang out of touch gumikan kay ang nakapahimulos sa gihimo niini ang mga adunahang syudad ug munisipalidad kung ikumpara sa dakbayan sa Davao.
Dugang gipahayag ni Sec. Enrile, mas adunahan pa ang mga LGU nga gihatagan ug tabang ug ang nahisgutang mga LGU ang wala usab nangayo ug panabang.
Gipahayag pa sa tinubdan nga isip mayor, gikinahanglang hinumdumon nga ang charity ang nagsugod sa pinuy-anan.
Kung mudagan kuno kini nga senador, pwede kunong mag-epal susama sa pagtambong sa rally nga gi-organisa sa kulto ni Quiboloy, apan dili gamiton ang pondo sa syudad ug angay unahon ang panginahanglanon sa katawhan nga nagbutang sa pamilya niini sa gahum.
Gawas pa niini, angay nga mohunong na si Mayor Baste Duterte sa pagka-madrama ug mag-pokus na lamang sa isyu sa grabeng pagbaha sa iyahang lugar.
Matod pa ni Sec. Enrile, ang pamilya sa mayor ang unom na katuig sa gahum apan walay nahimo aron masulbad ang pagbaha sa dakbayan sa Davao.
Dugang gipahayag pa sa nahisgutan nga alang sa mga Duterte, unahon una ang pagpatarong sa Davao City aron adunay ‘K’ kamong mag-emote una manaway sa kahimtang sa ubang lugar.
