Nanawagan ang World Health Organization ug UNICEF ug pito ka adlaw nga ceasefire sa Gaza homan nakumperma sa Palestinian health ministry ang unang kaso sa polio.
Subay kuno sa gipadalang sample test sa Amman, Jordan nga nagagikan sa Gaza, nasayran nga type 2 poliovirus sa wastewater ang nadiskubrehan sa dakong syudad sa Gaza.
Sa inpormasyon nga gihatag sa Palestinian health ministry nga ang unang kaso ang mitakboy sa napulo kabulang bata sa Deir al-Balah.
Wala nakadawat ug bisan unsang vaccination ang bata hinungdan nga makabaton kini ug infectious disease.
Hinungdan nanawagan ang WHO nga adunay ceasefire sa Gaza aron mahan-ay ang pito ka adlaw nga paghatag ug vaccination sa 640,000 ka mga Palestinian nga bata nga adunay edad nga 10-anyos pataas.
Nasayran nga 95% sa mga bata ang gikinahanglang mabakunahan aron dili na mukatag pa ang polio ug makunhuran ang resgo niini.
Ang vaccination campaign sa WHO ang adunay two-rounds nga pagahimuon sa Septyembre ug hatagan ang mga bata gikan sa 10-anyos paubos ug two-drops sa oral vaccine batok sa type 2 polio virus.
