Wala nakatala ug bag-ong kaso sa mpox sa nasud sa kasamtangan, matod pa sa Department of Health (DOH).
Gipahayag ni DOH Spokesperson Albert Domingo, wala pa nadungagan ang ihap sa kaso sa nasud ug ang katapusang nadeskubrehang kaso ang kaniadto pang December 2023.
Dugang gipahayag sa opisyal, tanan sa nahisgutang kaso ang nagmaayo na sa mpox. Kung kahinumduman nga niadtong adlawng Miyerkules, gideklara sa World Health Organization (WHO) ang mpox isip ” public health emergency of international concern” sa ikaduhang higayon.
Ang kaso sa mpox ang nadungagan sa Democratic Republic of Congo ug mikatag sa silingang nasud sa Africa.
Samtang niadtong adlaw nga Martes, nagdeklara ang Africa Centres for Disease Control and Prevention ug public health emergency gumikan sa pagsaka sa 160% sa mga kaso sa mpox sa nahisgutang kontinente sugod sa tuig 2023.
Samtang kung kahinumduman, nagdeklara usab ang WHO ug public health emergency niadtong 2022 gumikan sa outbreak.
Ang tambal sa mpox ang gilangkuban sa pagtambal sa mga symptoms ug pagpabakuna.
