DAVAO CITY- Nahimong hugyaw ang dula ni Nesthy Petecio kagabii human sa gipakita niining makabilid nga performance.
Sa paghulagway ni Queenie Laude, Bombo International News Correspondent sa nasud France, gina-atangan matud pa sa mga supporters ni Nesthy ang dula niini kagabii alang sa nagpadayong Paris Olympics 2024.
Sumala pa ni Queenie, ubay-ubay sa iyang mga kaubanan niini ang nangandam pinaagi sa prepara sa watawat sa Pilipinas alang sa suportang boot niining ipakita ngadto sa atleta.
Gumikan niini, miabanse na sa Quarterfinals si Petecio human gipildi si Amina Zidani gikan nasud France sa Round of 16 sa Women’s 57kg division.
Unang naangkon ni Nesthy ang kadaogan sa dula niining Women’s 57 kg. Round of 32 kontra sa 22 year-old boxer nga si Jaismine Lamboria gikan sa India via unanimous decision.
Labing gina-ampo karon sa mga ginikanan niini sa Davao del Sur ang maayong panlawas ni Nesthy uban ang laraw nga makab-ot niini ang pangandoy nga medalya.
Makaatbang ni Nesthy si Xu Zichun gikan sa China alang sa quarterfinals ugmang adlawa.
