Nabalintong ang usa ka sakyanan human nga nabangga kini sa nakaparada nga sakyanan daplin sa karsada sa Brgy. Cabantian ning dakbayan sa Davao.
Subay sa report gikan Traffic Enforcement Unit sa DCPO nga nahitabo kini pasado alas tres ang tana kaganihang kaadlawon atubangan sa Fire Station sa Cabatian.
Nalambigit sa maong panghtabo ang usa ka Geely GX3 Pro SUV nga gipanag-iyahan ni Liberty Marie Lañas Jumamil nga residente sa Prk. Dagatnon, Maningcol, Ozamis City, Misamis Occidental nga gimaneho sa usa ka JOY CABUYAO JACOB, 25-anyos nga residente sa 519 Samin-Samin Street, Jerome, Agdao, ning dakbayan sa Davao.
Samtang usa ka Chevrolet Trailblazer nga gipanag-iyahan sa usa ka Leilanie V Lemana nga residente sa Deca Homes, Indangan, nga gimaneho sa usa ka Sherwin Mark Valencerina Lemana, 46-anyos, nga residente sa Prk. 5 Doña Salud, Sasa, ning dakbayan sa Davao.
Sa inisyal nga imbistigasyon, nagsubay ang Trailblazer nga sakyanan sa Cabantian-Bunawan Road ga gikan sa City Mall Northtown padulong sa Deca Homes Indangan apan pag-abot sa Cabantian Fire Station, nibangga kini sa nakaparada nga sakyanan nga maoy hinungdan sa pagkabalintong niini sa karsada.
Samtang sakyanan nga nabanggaan napadulong kini sa pader kilid sa karsada.
Dali nga gidala sa Metro Davao Medical ang drayber ug anaa na sa luwas nga kahimtang.
Sumala pa nga nakatagpilaw ang babaeng drayber hinungdan sa pagkabangga niini. Samtang ang duha ka mga sakyanan ang nakaangkon ug danyos nga anaa sa kostudiya sa kapulisan.
