Mokabat sa 65.7% sa mga Dabawenyos ang uyon sa Absolute Divorce Bill.
Subay sa gipahigayon nga survey sa University of Mindanao- Institute of Popular Opinion (UM-IPO) nga unom sa napulo ka mga katawhan sa dakbayan ang mipakita ug suporta sa maong sugyot nga karon nakalusot na sa katapusang pagbasa sa KAMARA.
Nasayran nga adunay 1200 ka mga Davaoeños sa tulo ka mga distrito sa syudad ang gipailawom sa survey kabahin sa ilahang baruganan mahitungod sa maong hisgutanan.
Sumala pa sa survey,nga kining gidaghanon sa katawhan nga mipabor sa maong balaudnon nagpakita lamang nga sila nakasabot matud pa sa mga provisions ug giila ang panginahanglanon niini nga pinaagi sa ilahang gipakita na suporta.
Samtang ang 30.7% nga nahibilin nga anaa sa tunga sa maong hisgutanan ang nagdumili una sa ilahang paghatag sa ilahang kabahin diin 25.5% ang nisuporta ug laing 25.5% hugot nga misuporta sa maong balaudnon.
Samtang sa laing bahin, adunay 11.7% ang mibabag, ug 6.6% ang nagpakita ug hugot nga pagbabag, gumikan sa ilahang mga kabalaka kabahin sa kultura ug sa pagtuo sa tudlo gikan sa simbahan.
Kabahin sa kasayuran mahitungod sa maong hisgutanan, sumala sa survey nga adunay taas nga lebel sa ang katawhan nga 46.0% niini nasayod, ug 28.5% ang hugot nga adunay kasayuran, pinaagi sa mga balita ug sa mga gihisgutan sa palibot sa ilahang tagsa-tagsa ka mga katilingban.
Nasayran usab sa maong survey nga dako’g kabahin ang social media alang sa ilahang kasayuran kabahin sa maong hisgutanan kung diin adunay 29.9% sa mga gipang-interbyu sumala pa samtang 13.1% lamang sa telebisyon ug ubang media outlet.
