Ginapangandaman na sa mga pinoy ang pagpaambit og suporta alang sa mga atletang Pinoy nga mosalmot sa nagkadaiyang sporting events karong adlawa.
Sa nahimong pagpanubay ni Queenie Laude, Bombo International News Correspondent sa Paris, excited na ang kadaghanang pinoy nga mo-witness sa ipakitang performances nila Kyla Sanchez sa Women’s 100M Freestyle, Kiyomi Watanabe sa Womens 63kg, ug Nesthy Petecio sa Women’s 57kg Round 32.
Nakadani matud pa sa mga supporters nga pinoy ang gikabutyag nga rason ni Joanie nga buhaton ang tanan sa women’s single sculls nga event aron makasulod sa quarterfinals tungod sa gipadayag nga suporta sa mga pinoy.
Lakip si Delgaco nga modula karong adlawa gumikan nahimo kining malampuson sa iyang laraw nga mapadayon ang karera sa medalya.
Gumikan niini, mas nahimong ganado ang mga kaubanang pinoy ni Queeni nga mopaambit sa ilang kinasing-kasing nga pagsuporta alang sa makabilib nga mga atletang pinoy.
