Gipahayag sa Department of Public Works and Highways (DPWH) nga milapas na ang Metro Manila sa carrying capacity niini nga nakahatag sa grabeng pagbaha homan miigo ang bagyong Carina ug Habagat.
Dugang gipahayag ni DPWH Undersecretary Cathy Cabral, nagtukod ang gobyerno ug mga inprastraktura aron makunhuran ang pagbaha, apan ang nanghinobrang populasyon ang nakababag sa mga agi-anan sa tubig.
Samtang mukabat na sa 14.9 milyon ang populasyon sa Metro Manila subay sa gipagawas nga datos sa Philippine Statistics Authority (PSA).
Gipahayag pa sa DPWH official, mipatuman ang gobyerno ug mosobra sa 600 flood control projects nga nagtumong makunhuran ang mga pagbaha.
Gipahayag pa niini, aktibong mitabang ang DPWH sa pagpabalhin sa mga informal settlers aron makuhaan ang paguot sa National Capital Region.
Kini ang kabahin sa mas halapad nga diskarte ug mapaayo ang pagplano nga makunhuran ang makuyaw nga pagbaha sa lugar.
Samtang gipahayag usab ni Department of Environment and Natural Resources Assistant Secretary Noralene Uy nga ang urban development ang nagbilin ug gamay nga lugar aron makuha ang tubig nga nagpasamot sa pagbaha.
Samtang gipahayag usab ni Metro Manila Development Authority (MMDA) General Manager Procopio Lipana nga ang dili insaktong paglabay sa basura ang nakahatag usab kini sa pagbaha.
