-- ADVERTISEMENT --

Miabot sa labaw sa tulo ka tawo ang namatay samtang 36 pa ang gipangita human nasunog ang usa ka pabrika sa kendi sa Serang District, Banten Province, Indonesia niadtong Domingo, Nobyembre 22.

Nahimutang ang pabrika mga 50 kilometros sa kasadpan sa Jakarta, ang kapital sa nasud.

Sumala sa National Search and Rescue Agency sa Indonesia, 15 ka tawo ang naluwas gikan sa sunog, diin upat kanila ang gidala dayon sa ospital alang sa pagtambal.

Padayon usab ang pagpangita sa mga personahe sa ahensya sa mga tawo nga posibleng nagpabilin sulod sa pabrika. Gipasabot sa rescue agency nga ilang gipaningkamotan nga makit-an ang mga nawawala samtang gisiguro ang kaluwasan sa mga rescuers.

Matud ni Banten Governor Andra Soni, gibana-bana nga 60 ka tawo ang naa sa sulod sa pabrika sa dihang misilaob ang kalayo niadtong Sabado sa gabii.

-- ADVERTISEMENT --

Padayon pang giimbestigahan sa mga otoridad ang hinungdan sa sunog. Nasayran usab nga gipanag-iya ang pabrika sa usa sa pinakadakong food and beverage companies sa Indonesia.