Mosobra sa 1,000 ka mga public schools ang mipausab sa pag-abre sa klase alang sa school year (SY) 2024-2025 nga gikatakda unta karong adlaw nga lunes, Hulyo 29.
Gipahayag sa Department of Education (DepEd) adunay kinatibuk-ang 1,002 ka mga tulunghaan sa Metro Manila, Ilocos region, Central Luzon ug Soccsksargen region ang dili makasugod sa klase karong adlaw nga lunes.
Partikular nga gipahayag sa ahensya, ang mga tulunghaan sa Malabon, Pasig, Marikina, ug Valenzuela ang pulos mag-abre sa klase karong Agusto 5 ning tuig kasamtangan.
Samtang duha ka tulunghaan sa Navotas City, lima sa Maynila, 13 sa San Juan City ug 15 sa Quezon City ang mag-abre sa klase sa Agusto 5.
Unang gipahayag ni President Ferdinand “Bongbong” Marcos Jr. nga ang pag-abre sa klase sa Hulyo 29 ang gikinahanglang magpadayon kung gikinahanglan, gawas lamang sa mga lugar nga gidaot ni bagyong Carina ug Habagat.
