Gihimakak sa Philippine Amusement and Gaming Corp. (PAGCOR) nga nag-isyu kini sila og memorandum nga nagmandu sa mga lokal nga panggamhanan aron ipasirado ang Philippine Offshore Gaming Operators (POGOs) sa unang semana sa bulan nga Agosto.
Sa usa ka statement kagahapong adlawa, giklaro ni PAGCOR offshore gaming licensing department Jessa Mariz Fernandez nga peke ang maong memorandum u wala silay gi-isyu nga maong memo.
Ang maong dokumento nga gipadala matud pa sa LGU’s sa Metro Manila niadtong Hulyo 26 ang usa ka buhat-buhat lamang nga bersyon sa memo nga iyahang gipakatap niadtong Hulyo 23, usa ka adlaw human ang SONA ni PBBM.
Kini ang iyahang gisulat alang sa Internet Gaming Licensees ug service providers nga naga-abiso nga posibleng magpabiling status quo ang ilahang operasyon samtang pending pa ang pagfinalize sa mga detalye o proseso sa pag-ban sa mga POGO.
Tataw usab ang direktiba sa Pangulo nga hangtod sa katapusan sa tuig na lamang ang pagpahunong sa mga operasyon sa tanang mga POGO ug ilaha kining pagasundon.
Gi-insister ysab sa PAGCOR official nga klaro na usa lamang kini ka disinformation nga tumong nga mobuhat og kagubot og kalibog lamang.
Matud pa nga ogk insa ang nagpaluyo niini ang klarong adunay motibo maong ilahang ginapangayo ang tabang sa NBI aron imbestigahan ug ilantad kini sila aron mahibal-an ang ilahang tinuod nga motibo.
