Pipila pa gihapon ka mga eskwelahan ang nagpabiling apektado sa gibilin nga kadaot sa baha ug nagsilbi kini nga evacuation centers sa mga residenteng mibakwit tungod sa bagyong Carina.
Gumikan niini, mokabat sa 738 na ka mga tulunghaan sa pipila ka rehiyon sa nasud ang dili pa makasugod sa klase karong Lunes.
Lakip sa mga rehiyon mao ang Region 3, Region 7, Cordillera Administrative Region, ug lakip ang National Capital Region nga anaa ilawom pa gihapon sa State of Calamity.
Sa kasamtangang datos sa Department of Education, mokabat sa kapin 200 na ka mga eskwelahan ang gibaha samtang anaa sa kapin 400 ang kasamtangan nga gisak-an sa mga bakwit.
Miabot na sab sa kapin 12k ang mga tunghaan sa saysentay singko ka mga dibisyon sa napulo ka mga rehiyon ang naapektuhan sa bagyong Carina.
Sumala sab kang kang DepEd Sec. Sonny Angara,kung mahimo dili unta mabalda ang pagbalik sa klase aron dili maapektuhan ang pagtuon sa mga kabataan.
