DAVAO CITY- Gibutyag sa labaw sa Public Safety and Security Office (PSSO) nga si Angel Sumagaysay nga ilahang gidala ang Peace 911 sa Marilog District aron nga matabangan ang pagkunhod sa naghitak nga paggamit sa mga kayutaan nga ilawom sa ancestral domain.
Kini nga programa ug kalambuan ang inisyatibo sa lokal nga panggamhanan sa syudad aron nga ipromotar ug pangunahan ang hiniusang inclusive peacemaking and peacebuilding processes ingon man sa hisgutanang ekonomiya sa nasampit nga lugar.
Giangkon ni Sumagaysay atol sa paghinabi ngadto kaniya nga nakita na sumala pa niini ang maong problema sa Marilog ug buot niini nga maabot ang Peace 911 nga programa nga una ng gipatuman sa Paquibato District.
Nanghinaot kini nga pinaagi sa inisyatibo sa loakal nga panggamhanan pinaagi sa Peace 911 ug pagtinabangay sa mga Indigenous Peoples sa mga nagakadaiyang tribu, maminusan niini ang pagpagamit sa yuta nga ilawom sa ancestral domain.
Giklaro usab niini nga dili mabaligya ang nasampit nga kayutaan kini subay sa nakalatid sa balaod kon IPRA Law.
Nasayran nga una ng gilaraw ang pagdala sa Peace 911 sa maong lugar gumikan na usab sa nagkadaghan nga ga private resorts ug mga establisimento nga natukod ilawom sa ancestral domain nga nag-operate bisan ug walay permiso gikan sa Business Bureau.
Una ng gipasigarbo ni Sumagaysay nga city government of Davao pinaagi sa Peace 911 uban ang National Commission on Indigenous People (NCIP) ang nakahatag ug kasulbaran sa problema kabahin sa kapin baynte ka ektarya sa yuta sa Barangay Baganihan, Marilog District nga sumala pa misantop sa win-win solution ang maong problema.
