Nagplano si Education Sec. Sonny Angara nga mokunsulta sa mga magtutudlo ug estudyante aron masayran kung gikinahanglan ba nga wagtangon ang ban sa classroom decorations.
Kung kahinumduman gimando ni kanhi Department of Education Secretary ug Vice President Sara Duterte ang pagwagtang sa mga classroom decorations sa mga pampublikong tulunghaan aron maseguro nga dili ma-distract ang mga estudyante sa higayong adunay klase.
Samtang gikanayon ni Sec. Angara nga ipadayon gihapon niini ang Matatag curriculum nga gimugna sa panahon ni Duterte.
Wala kini plano nga magbag-o ug curriculum gumikan kay ipadayon gihapon niini kung unsa ang naa.
Gusto usab niining ipadayon ang alternative delivery modes susama sa online classes ug modular learning aron maseguro nga magpadayon ang kahibalo sa mga estudyante.
Ang nahisgutang pamaagi ang nagsugod kaniadtong COVID-19 pandemic, kung diin gidili ang face to face classes gumikan sa pagtinakdanay sa sakit.
