DAVAO CITY- Gikabutyag ni Department of Environment and Natural Resources kon DENR XI Regional Executive Director Atty. Ma. Mercedes Dumagan nga madayon ang Waste to Energy Project sa dakbayan sa dabaw.
Pagtataw ni Dumagan nga usa lamang ka repacking ang nahitabo dili kini pagkansela sa maong proyekto.
Sumala pa sa maong opisyaln nga aduna silay nadawatan nga memorandum gikan sa central office sa National Economic and Development Authority nga buhaton ang repackahing sa maong proyekto.
Dugang pa niini nga basin wala lamang sila nagkasinabot sa lokal nga panggamhanan apan gisiguro niini nga makig-alayon kini sila pag-usab sa lokal nga panggamhanan.
Kahinumdumang una ng gibutyag ni Davao City Mayor Sebastian Duterte nga wala matud kini nakuha nga komunikasyon gikan sa nasyunal nga gobyerno kalabot niini.
