Pormal nang giturn-over ni Vice President ug outgoing Department of Education (DepEd) Secretary Sara Duterte ang DepEd Leadership kang incoming DepEd Secretary Sonny Angara.
Kini human nga gipahigayon ang turnover ceremony sa DepEd main office sa Pasig City diin gipasa na ni VP Sara ang seal sa DepEd ug ang flag ngadto kang Angara.
Gipahigayon sab ang pagtanom ug punuan sa kahoy sa duha ka mga opisyal sa sulod sa compound sa DepEd National Office.
Samtang gisuroy una ni VP Sara ang bag-ong DepEd Secretary sa buhatan ayha ang pormal nga pagsugod sa seremonya.
Atol sa nahimong pamahayag ni Angara, gisaad niini ang pagpadayon sa nasugdan sa bise presidente.
Kahinumduman nga una ng nagpasa og resignation ang maong opisyal niadtong bulan sa Hunyo ug epektibo kini ugmang adlawa.
