Mosobra sa 40 milyong Pinoy, walay mainom nga limpyong tubig

Gikabutyag nga mukabat sa 40 milyong Pilipino ang walay access sa mainom nga limpyo ug luwas nga tubig.

Gumikan niini, gisugyot ni Agri Partylist Rep. Wilbert Lee ang House Bill (HB) No. 10531 o “Rural Potable Water Supply Act” nga matubag ang kakulang sa limpyonga mainom nga tubig sa milyong Pilipino ilabi na sa kaprobinsyahan.

Matod pa sa magbabalaod nga makabalaka ang datos sa DENR nga mukabat sa 40 milyon ka mga Pilipino ang walay access sa limpyo nga tubig.

Gamiton ang pondo sa gobyerno sa mga mapuslan nga proyekto susama sa pagpabarog ug mga pasilidad nga mag-suplay sa limpyong tubig sa katawhan.