Gikumperma ni US President Joe Biden nga nahatagan na kini ug briefing sa nahitabong pagpamusil sa gipahigayong rally ni kanhi US President Donald Trump sa Butler, Pennsylvania kung diin nasamdan ang kanhi Presidente, samtang usa ka attendee ang nakabsan sa kinabuhi ug ang shooter.
Matod pa ni Biden, gikalipay niini nadunggan nga luwas ug anaa sa maayong kahimtang si Trump.
Dugang pa niini nga adunay gihimong imbestigasyon nga gipangunahan sa secret service.
Walay lugar ang kagubot sa Amerika ug gipanawagan niini nga magkahi-usa ang tanan ug kondenahon ang nahisgutang kagubot.
Giseguro sa US President nga estoryahon niini si Trump nga kasamtangang gitambalan sa mga doktor niini.
Kahinumduman, samtang namulong si Trump sa rally niini kalit na lamang nadunggan ang sunod-sunod nga buto ug nasamdan ang dalunggan niini.
