Gipahayag ni Defense Secretary Gilberto Teodoro Jr. nga wala nay labot ang China ug dili angay manghilabot sa bilateral agreement tali sa Pilipinas ug Japan, ilabi na nga usa kini ka internal affair sa duha ka nasud.
Nagpagawas sa nahisgutang pamahayag ang defense secretary isip tubag sa gisulti ni Chinese Foreign Ministry spokesperson Lin Jian nga ang exchange and cooperation tali sa mga kanasuran ang dili mubaliwala sa mutual understanding ug pagsalig sa ubang kanasuran sa rehiyon.
Gipermahan sa Pilipinas ug Japan ang Reciprocal Access Agreement (RAA) nga nagtumong nga patas-an pa ang defense cooperation tali sa duha ka nasud taliwala sa padayong pagsaka sa tensyon sa West Philippine Sea.
Gihimo ang kasabutan homan nag-courtesy call si Japanese Foreign Minister Kamikawa Yoko ug Defense Minister Kihara Minoru kang Pangulong Ferdinand Marcos Jr. Ubos sa nahisgutang kasabutan, tugutan ang Japanese forces nga musalmot sa tinuig nga military exercises sa Pilipinas ug Estados Unidos lakip na niini ang Balikatan exercises.
Gitugutan usab ang Japanese forces nga muhatag ug humanitarian assistance sa Pilipinas ilabi na kung adunay kalamidad.
Nahilakip ang Japan sa nagpadayag ug pagkaalarma sa tensyon sa West Philippine Sea.
