Nasikop ang usa ka lalake human kining misulay sa pag-ismagol og anaa sa usa ka gatos nga buhing bitin pasulod unta sa mainland China tungod kay katingalad-an ang kabugdo sa pantalon niini, kana sumala pa sa customs authority sa China.
Ang maong wala hinganli nga traveller ang napugngan sa custom officers sa dihang nagtinguha kining mo-ikyas unta sa semi-autonomous nga Hong Kong padulong ngadto sa border sa Shenzhen City sa China.
Matud pa sa China custom nga sa dihang gi inspeksyon kini, nasayran nga napuno diay ang bulsa sa pantalon niini og unom ka canvas drawstring bag nga giselyuhan og tape.
Sa dihang kini ang giablihan, nasuta ang matag-usa sa bag ang adunay buhing bitin sa nagkadaiyang itsura, kadak-on ug color nga anaa sa 104 kabuok.
Ang maong bitin ang naglakip sa milk snakes, corn snakes, ug daghan pa nga mga dili native nga species.
Matud pa sa biosecurity and disease control law, nga dili ginatugutan ang katawhan nga magdala og non-native species nga wala ang ilahang pagtugot.
