DAVAO ORIENTAL- Patay ang duha ka mga babaeng indibidwal human nga nalakip sa pagkasunog sa usa ka balay sa Purok Uno, Brgy.Tibanban, Governor Generoso Davao Oriental.
Subay sa report nga nahipos sa Bombo Radyo Davao sa nasampit nga lugar, duha ka mga balay ang nasunog pasado ala una ang takna kaganihang kaadlawon.
Nasayran nga ang mga biktima, usa ka dalaga nga nag-edad ug 18-anyos samtang kauban sab niini ang iyahang inahan nga nag-edad ug kapin sa 50-anyos.
Sumala pa ang panimalay ang gipanag-iyahan sa pamilyang Amigo.
Gitawagan sa Bombo Radyo Davao ang BFP sa Governor Generoso pinaagi sa ilahang hotline number, apan dili pa sila makahatag ug impormasyon sa nahiatabong sunog lakip ang pagkumpirma sa namatay nga mag-inahan atol sa maong panghitabo.
Una na sab nga gikabutyag sa mga residente sa maong lugar nga aduna sumala pa’y nahitabo nga power interuption kagabii ayha ang maong panghitabo.
