Opisyal ng milingkod sa katungdanan isip bag-ong Prime Minister sa United Kingdom ang gitudlo ni King Charles III nga si Labour leader Keir Starmer.
Sa iyang unang pakigpulong isip PM sa No 10 Downing Street sa London, gipasalamatan ni Starmer si outgoing PM Rishi Sunak nga nahimong unang British Asian Prime Minister ug gidayeg ang iyang mga nahimo, dedikasyon ug paningkamot ubos sa iyang pamunoan.
Nisaad si Starmer nga iyang ibalik ang pagsalig sa ilang katawhan sa gobyerno ubos sa iyang pamunoan taliwa sa sayop nga pagtuo sa daghang tawo kalabot sa politika.
Gidugang pa ni Starmer nga klaro nga ang ilang nasud nanginahanglan og usa ka ‘bigger reset’ ug gisaad ang national renewal.
Una niini, miadto si Starmer sa Buckingham Palace diin nakigkita kini kang King Charles III ug pormal nga gitahasan sa pagporma og gobyerno.
Samtang, mihatag usab og panamilit si kanhi-British Prime Minister Rishi Sunak diin wala niya gikalimod nga lisod kini alang kaniya, apan siya mobiya sa iyang trabaho uban ang dungog nga mahimong punong ministro sa labing maayo nga nasud sa kalibutan.
Kahinumduman nga si Sunak mao’y unang mi-concede o midawat sa iyang kapildihan gahapong dlawa sa bag-o lang nahuman nga snap election.
Nanghinaot si Sunak ang kalamboan ug kaayuhan alang sa iyang mga successor ug giangkon usab niya ang iyang kasaypanan ubos sa iyang pamunoan.
