Gitabangan sa mga medical personahe sa Philippine Coast Guard ang usa ka tripulante nga Chinese gumikan sa aksidenteng pagkaputol sa kumagko tungod sa fan blade o metal samtang naglawig sa 20.69 nautical miles sa kasagpan nga bahin sa Semirara Port, Caluya, Antique.
Ang 35-anyos nga Chinese crew mao’y ikaduhang engineer sa Hongkong-flagged bulk carrier MV BBG Qinzhou.
Diin ang ilahang barko gikan pa sa Nansha, China ug paingon sa Tanjung Bara, Indonesia dihang nahitabo ang insidente.
Gipakatag sa PCG ang BRP Kalanggaman sa nahimutangan sa Chinese vessel nga 1.5 nautical miles gikan sa Nogas island, Aniniway sa Antique.
Gidapatan gilayon og first aid sa upat ka mga medical personnel sa PCG ang langyaw paingon sa Muelle Loney Wharf sa siyudad sa Iloilo, ug gi-turn over sa barko sa mga tripulante sa China nga midala kaniya sa labing duol nga tambalanan alang sa dugang medikal nga pagtagad.
