Gikatahong gikawat ang 88-year old nga painting sa national artist nga Fernando Amorsolo nga gidsiplay matud pa sa museum sa Silay City.
Sa nahimong kumpirmasyon ni Maricar Hojilla, ang pag-umangkon sa namatay nga tag-iya nga giilang si Ramon Hofileña, dakong kakurat matud pa niini nga sa iyang pagmata, nabasahan niini sa ilang group chat nga nawani ang painting.
Sa resulta sa inisyal nga imbestigasyon sa otoridad, 2 ka mga kawatan matud pa ang misulod sa museum ug nagpakaron-ingnong bisita.
Gani, sa dihang nakakuha na matud pa ang mga kawatan og higayon, gisulod sa usa ka kawatan ang painting ngadto sa iyang bag ug gilayong misibat.
Sa pagkakaron, padayon pa ang imbestigasyon sa otoridad, ingon man ang pagtultol sa mga kawatan.
Samtang, nanawagan sab ang tag-iya sa museum sa gikahimutangan sa painting nga gilayon kining itaho.
