DAVAO CITY – Aron mapadali ang pagresponde sa kalamidad, usa ka mobile application ang gimugna sa Department of Social Welfare and Development (DSWD) alang sa insakto ug real time disaster incident reporting.
Gipakita ni Undersecretary for Disaster Response Management Group (DRMG) Diana Rose Cajipe ang Advanced Data Gathering for Assistance Preparedness for Protection (AGAPP), usa ka innovative tool nga nagtumong sa paghatag ug real time situation reports panahon sa kalamidad.
Gipasabot ni Usec Cajipe nga ang advanced data gathering application sa AGAPP ang mihatag ug tin-aw nga data, image capturing, geotagging alang sa mas dali nga communication process.
Giklaro usab ni Usec Cajipe nga ang Disaster Response Command Center (DRCC) nga mao ang central hub sa disaster monitoring, reporting ug coordination alang sa pagpangandam ug paspas nga pagresponde panahon sa kalamidad.
Gawas usab sa DRCC, gipatuman usab ang mga mobile command centers nga gi-deploy sa 14 DSWD regional offices.
