DAVAO CITY- Nag-awhag karon ang Davao City Library and Information Center ngadto sa mga dabawenyo pinaagi sa Share-a-book program nga adunay mga librong wala ginapanggamit o nakatago lamang, ang idonar na lamang kini sa City Library aron mapahimuslan pa kini sa daghang mga indibidual.
Pagbutyag ni Salome Enoc, head sa City Library and Information Center nga ang mga matapok nila nga libro ang ibutang ngadto sa mga district libraries ug mga reading centers.
Matud pa nga dako kini og matabang ngadto sa mga kabataan ilabi na kadtong mga residente duol sa mga reading centers nga nakatukod sa mga tago nga dapit.
Ning kasamtangan, bisan pa man off-season nagapadayun gihapon ang maong buhatan sa pagpalambo sa City library ug sa ilahang mga programa diin gina-andam usab nila ang mga mobile activities nga gilangkuban kana sa ocular visits ngadto sa mga nagkadiayang eskwelahan.
via/ DMA
