DAVAO CITY- Nangandam pag-ayo ang mga residente nga anaa nahimutang sa high-risk coastal communities sa Caraga, Davao Oriental alang sa mga posibleng pag-igo sa tsunami sa maong dapit.
Ang maong pagpangandam sa mga residente ang pinaagi sa pagbutang ug Tsunami Early Warning System kon TEWS pinaagi sa Department of Science and Technology XI ug pinaagi usab sa Provincial Science and Technology Office kon PSTO- Davao Oriental sa pakigkoordina sa DOST-Philippine Institute of Volcanology and Seismology kon PHIVOLCS.
Ang maong TEWS ang nakadesenyo aron sa paghatag ug real-time nga impormasyon ug mga signal sa pasidaan, nga makapausbaw sa abilidad sa komunidad sa paspas nga pagtubag sa mga hulga sa tsunami.
Kini nga sistema nagtumong sa paghatud sa usa ka cost-efficient apan kasaligan nga forecast sa tsunami, nga makatabang sa tukma sa panahon nga pagtubag sa kalamidad.
Dugang pa, nagsilbi kini nga visualization, interpretation, ug local tsunami emergency decision-support tool para sa Local Government Unit sa Caraga Davao Oriental, partikular na sa mga coastal barangay nga prone sa tsunami.
Gawas sa pag-instalar sa TEWS, ang DOST-PHIVOLCS ang mipahigayon ug Information, Education, and Communication campaign, diin usa ka workshop sa tsunami evacuation, ug gi-integrate ang 83rd Community Tsunami Alerting Station ngadto sa TEWS.
Mikabat sa 39 ka mga partisipante ang misalmot sa maing workshop gikan sa mga coastal barangays sa Santa Fe, San Jose, Poblacion, San Antonio, San Luis, Santiago, ug Don Leon Balante.
Kini nga mga barangay giila sa Municipal Disaster Risk Reduction Management Office nga high-risk areas sa tsunami.
Gipasiugda usab ni DOST Davao Oriental Provincial Director Mirasol Dominggo ang kamahinungdanon sa pakiglambigit sa komunidad sa pagpangandam sa kalamidad.
Ang maong inisyatiba ang kabahin sa Community Empowerment through Science and Technology nga programa, nga nagpasiugda sa pasalig sa pagpahimulos sa siyentipikanhong pag-uswag alang sa kaluwasan ug kaayohan sa mga komunidad sa mga dapit nga daling mahitabo sa katalagman.
via/ DMA
