DAVAO CITY- Nagpahibalo sa mga konsumante ang Davao Light and Power Company nga adunay mahitabong pagsaka sa power rate alang sa bulan sa Hunyo tungod sa epekto sa El Niño Phenomenon.
Sumala pa ni Fermin Edillon ang head sa Davao Light Reputation Enhancement Department nga ang maong pagsaka ang mireflect sa bill sa kuryente sugod niadtong milabay nga adlaw, Hunyo 15.
Sumala pa ni Edillion nga ang pagtaas sa rate mahitungod sa pagkunhod sa lebel sa tubig sa mga hydro plants ug ang pagtaas sa power demand sa mga konsumante.
Pagpasabot niini nga lakip sa components sa power rate sa Davao Light mao ang generation, transmission ug distribution. Kahinumdumang niadtong bulan sa Enero ning tuiga, ang rate sa Davao Light ang anaa sa P8.82 kilowatt per hour ug misaka kini sa bulan sa Pebrero ngadto sa P9.25 kilowatt per hour .
Apan sa bulan sa Marso mikunhod kini ngadto sa P8.99 kilowatt per hour dayon misaka pag-usab sa bulan sa Abril ngadto sa P9.13 kilowatt per hour ug sa bulan sa Mayo ang anaa na sa P10.76 kilowatt per hour .
Sumala pa ni Edillon nga normal lamang nga musaka ang power supply sa bulan sa summer, normal ra usab nga muubos ang generating capacity sa hydro pag summer apan sa pagkakaron matud pa mas ubos kini tungod sa epekto sa El Niño.
Dugang pa niini nga dili lamang ang syudad sa davao ang makasinati niining bag-ong usbaw apan lakip na ang franchise areas sa Davao Light a Panabo City ug mga municipalities sa Braulio E. Dujali, Carmen, ug Santo Tomas sa Davao del Norte.
Mahitungod niini padayon usab ang pagawhag sa maong buhatan ngadto sa mga konsumante nga imanage pagtarong ang ilahang energy consumption.
Ning kasamtangan wala pa usab nakapagawas og kongkretong impormasyon ang maong buhatan og pila ba ang mamahimog usbaw sa power rate sa syudad.
