-- ADVERTISEMENT --

Opisyal nga nagpasalamat si Pangulong Ferdinand “Bongbong” Marcos Jr. sa nagkadaiyang ahensya sa gobyerno, mga kawani ug sa katawhang Pilipino nga mitampo sa malampusong pag-host sa Pilipinas sa 49th ASEAN Summit and Related Summits.

Gipadayag sa Pangulo nga malampuson ug mabungahon ang kinatibuk-ang dagan sa maong panagtigom nga opisyal nga gitapos kaniadtong Nobyembre 17, 2026, diin giturn-over usab sa Pilipinas ang ASEAN chairship ngadto sa Singapore.

Lakip sa iyang gipasalamatan ang Department of Foreign Affairs (DFA), ASEAN-National Organizing Council (ASEAN-NOC), Office of the President, Department of Tourism (DOT), Office of the Social Secretary (SOSEC) ug Department of Health (DOH).

Giila usab ang paningkamot sa Armed Forces of the Philippines (AFP), Philippine National Police (PNP), Philippine Coast Guard (PCG), Department of the Interior and Local Government (DILG), Department of Transportation (DOTr), Department of Public Works and Highways (DPWH), Metropolitan Manila Development Authority (MMDA) ug mga lokal nga kagamhanan sa pagsiguro sa seguridad, kahapsay ug hapsay nga dagan sa trapiko atol sa summit.

Lakip usab sa gipasalamatan ang Presidential Communications Office (PCO), mga volunteers, performers, artists ug mga trabahante nga mitabang sa pagpahapsay sa maong kalihokan.

-- ADVERTISEMENT --

Dugang pa, gipabilhan sa Pangulo ang pasensya, pagsabot ug kooperasyon sa katawhang Pilipino nga naapektuhan sa mga pag-andam ug pagpatuman sa mga lakang alang sa maong summit.