DAVAO CITY- Nadakpan sa Bunawan PNP ang usa ka indibidwal nga gipangita sa balaod gumikan sa karong frustrated Murder ug Kidnapping.
Subay sa report sa mga otoridad, giila ang dinakpan nga si LEO VALENZUELA kung diin ang nasampit nga indibidwal ang giisip nga Rank 1 MOST WANTED sa probinsya sa Surigao.
Nadakpanan ang nahisgutan pasado alas sais ang takna kagabii sa Purok uno Brgy. Bunawan ning syudad.
Nasayran nga lumad nga taga Bislig, Surigao Del Sur ang nahisgutan nga misubat tungod sa maong panghitabo nga usa ka trayber, ug resident sa Purok 6-A San Fernando, Bislig, Surigao Davao del Sur.
Nasayran nga una ng nakiglambigit ang Bunawan Police Station sa Bislig City Police Station, Surigao del Sur PPO, PRO-13 Caraga, ug uban pang law enforcement unit nga miresulta sa malampuson nga pagsilbi sa warrant of arrest batok kang Valenzuela nga gipaguwa sa Regional Trial Court Eleventh Judicial Region, Bislig City, Surigao del Sur Branch 46, ang kamanduan nga adunay Php. 200,000 bail bond alang Frustrated Murder samtang walay girekomenda nga pyansa tungod sa kasong kidnapping.
Sa karon ang dinakpan ang anaa na sa kostudiya sa Bunawan Police Station ug gipaabot na niini ang pagbalhin kaniya sa Bislig PNP.
