DAVAO REGION- Pormal na nga nisulod ang Provincial Government sa Davao Oriental kauban ang Davao Oriental State University (DORSU) ug Ateneo de Davao University (ADDU) sa usa ka kasabutan alang sa Mandarin Language Training Program alang sa mga mga opisyal sa gobyerno pinaagi sa Memorandum of Agreement nga gipirmahan sa miaging adlaw sa Davao Oriental RSU Campus.
Ang maong pagtinabangay nagtumong sa pagpalig-on sa panaghigalaay pinaagi sa pagtuon sa lengwahe ug kultura sa China, ingon man ang pagpakusog sa kooperasyon ug komunikasyon sa edukasyon.
Ang Mandarin Language Training Program ipahigayon sa Confucius Institute sa Ateneo de Davao University.
Tungod niini nanghinaot ang kagamhanang probinsya sa pagpanguna ni Gov. Uy, nga mas daghan pang mga pagtinabangay ang mamugna sa umaabot nga panahon nga moresulta niini nga programa, ilabi na ang kabahin sa hisgutanang komersiyo, turismo, ug pagpalambo sa ekonomiya sa Davao Oriental.
Adunay 20 ngadto na sa 30 ka mga opisyal sa kagamhanan atol sa pagsugod sa programa Aron nga ang Mandarin Language Training Program molungtad sa unom ka bulan.
Gibutyag sab niini nga human sa pagsalmot sa maong programa adunay kahigayunan ang mga partsipante nga makabisita sa Huaqiao University sa nasud China pagkahuman sa ilahang pagbansay.
