DAVAO CITY – Gipasundayag sa City Transport and Traffic Management Office – Davao City ang programang mamahimong makatabang dili lamang ngadto sa mga pasahero kundi lakip na usab sa mga drivers.
Ang maong programa kay ubos sa PUV Driver’s Identification Program diin mamahimong i-scan sa mga pasahero sa jeepney, taxi ug mga tricycle ang QR code sa PUV ID sa mga driver aron makita ang ilahang impormasyon.
Dugang niini, makapadangat pud sila sa ilahang concern o reklamo mahitungod sa mga driver pinaagi sa maong program.
Busa, gina-awhag karun sa maong buhatan ang tanang pasahero nga mamahimong magdownload ug QR scanner sa Playstore o Appstore arun nga mascan gilayon ang qr code nga nakamuntar sa mga PUV IDS sa mga drivers ug makapadangat sa ilahang mga suhestiyon ingon man, reklamo.
Pahinumdom usab sa maong buhatan nga mamahimong sigurohon nga kinahanglan ang driver nga naka rehistro sa PUV ID system mao usab ang angay nga nagamaneho sa maon sakyanan.
