Gipanghimakak ni Interior and Local Government Secretary Benhur Abalos ang matod pa overkill sa paghatod ug warrant of arrest batok kang Kingdom of Jesus Christ (KOJC) leader Apollo Quiboloy.
Matod pa sa sekretaryo, dili overkill ang operasyon sa Special Action Force (SAF) ug Criminal Investigation and Detection Group (CIDG) gumikan kay pagpangandam lamang kini sa posibleng mahitabo homan nagpagawas ug pamahayag si Quiboloy nga dili kini magpadakop ug buhi.
Kung kahinumduman, gi-serve sa CIDG ug SAF ang warrant of arrest batok kang Quiboloy gumikan sa kasong child ug sexual abuse.
Apan wala naabtan sa mga awtoridad si Quiboloy sa Buhangin district ug Glory Mountain ug Prayer Mountain sa Barangay Tamayong, dakbayan sa Davao.
Gusto usab sa kapulisan nga maprotektahan ang ilahang kaugalingon sa bisan unsang matang sa operasyon. Bisan paman gibombahan ug tubig ang kapulisan, nagpabilin kining kalmado ug wala gipatigbabaw ang kainit sa ulo.
Nanawagan usab kini kang Quiboloy nga mo-surrender na lamang kung ugaling inosente ang nahisgutan ug dili ibutang sa kalautan ang mga supporters niini gumikan kay dili mohunong ang mga awtoridad sa pagpangita sa iyaha.
