DAVAO REGION- Giandam na sa Police Regional Office XI ang mga dokumento aron legal nga makapasaka og kaso nga ‘Obstruction of Justice’ batok sa unom ka mga supporters ni Kingdom of Jesus Christ Leader Pastor Apollo Quiboloy human nga harangan sa maong mga indibidual ang pagsilbi sa warrant of arrest sa mga kapulisan sa Prayer Mountain, Tamayong, Calinan District ning dakbayan sa milabayng adlaw nga lunes.
Kahinumdumang nahimong tensyonado ang pagsilbi sa warrant of arrest sa Speacial Action Force ug Criminal Investigation and Detection Group batok sa Pastor Quiboloy ug lima pa niini ka mga kaubanan human nga miharang ang mga supporters niini sa 3 ka mga lugar diin ginatuuhang nagatago ang mga gipangita sa otoridad.
Gibutyag ni PRO XI Spokesperson Police Major Catherine Dela Ray nga gisabay nila ang tulo ka managlaing operasyon sa mga property nga gipanag-iyahan ni Pastor Quiboloy dinhi sa dakbayan.
Dugang pa niini nga ang gibuhat nga operasyon sa kapulisan ang nahisubay sa mando sa PNP ug gibuhat lamang nila ang ilahang trabaho.
Pagpaklaro ni Dela Rey nga ang ilahang pagpangayo og additional enforcement gikan sa laing rehiyon aron lamang mamahimong epektibo ang maong operasyon diin ilaha usab nga ginalantaw ang seguridad sa katawhan.
Matud pa niini nga ang mga kapulisan nga lakip sa misilbi sa maong warrant of arrest ang gikan sa hiniusang pwersa sa nagkadaiyang personahe sa kapulisan mapa rehiyon onse man o sa laing rehiyon.
Pagpasabot usab niini nga dili lamang ang PRO XI ang mamahimong magsilbi sa warrant of arrest inay bisan kinsa pa man nga law enforcement ang mamahimong mobuhat niini.
Dugang pa niini nga mamahimo matud pa nga mag-counter file ang KOJC batok kanila alang sa mga nagubang properties ug willing kini sila nga atubangon ang padulngan niini.
via/ DMA
