DAVAO REGION- Subling misaad si Pangulong Ferdinand Bongbong Marcos Jr. nga ipadayon sa administrasyon niini ang Tagum City-Davao City-Digos City kon TDD segment sa Mindanao Railway Project.
Pagbutyag sa Department of Transportation nga ang TDD segment sa Mindanao Railway Project nga adunay 102 kilometers ang nagkantidad sa kinatibuk-an og P81.7 billion.
Sumala pa sa Pangulo nga ning kasamtangan, nagapadayon sila sa pagpangita og kwartang magamit alang sa konstruksyon sa 102 kilometers nga first phase sa maong proyekto.
Matud pa ang maong proyekto ang magbutang og istasyon sa Tagum City, Carmen City ug Panabo City alang sa Davao del Norte nga dapit.
Samtang alang sa Davao City, adunay ibutang ngadto sa Brgy. Mudiang, Maa ug Toril.
Samtang aduna usab ibutang nga istasyon sa Santa Cruz ug Digos City sa Davao del Sur nga bahin.
Pasundayag sa maong proyekto nga maminusan gayud ang oras sa pagbyahe sa usa ka indibidual pinaagi sa maong proyekto.
Matud pa nga ang kanhing tulo ka oras nga byahe gikan Tagum City padulong Digos City, mamahimo na lamang usa ka oras ug traynta minutos.
Kon kahinumdumang ang maong Mindanao Railway Project ang flagship project sa milabayng administrasyong Duterte nga nalakip sa “Build, build, build” Program.
